Ongi etorri Rontegi Eskolako 4. mailako umeen blogera.


2018(e)ko ekainaren 22(a), ostirala

KLASEKO AZKEN EGUNA

Egilea: Amaya ordua: 14:10 0 iruzkinak

      Ikasturteko azken eguna ederto ospatu dugu. Bakoitzak askaritxorako gustukoa dena ekarri du eta gelan guztiokin partekatu da. Egin ditugun ekintzak entretenigarriak izan dira eta Maiteren agurrarekin hunkitu gara, guretzat oso maitatua delako eta ez dugu inoiz ahaztuko gure bihotzetan daramagulako.
    Orain oporrak disfrutatzeko sasoia denez, denok primeran pasatzea nahi dugu. 

UDA ZORIONTSUA IZAN!!!



2018(e)ko ekainaren 4(a), astelehena

ELIKATXEF

Egilea: Amaya ordua: 15:01 0 iruzkinak

Hiruhilabete honetan, "ELIKATXEF" izeneko proiektuaren azken atazak egin ditugu. 

Oso interesgarria eta baliagarria izan denez, atal batzuk aztertuko ditugu:

ZER IKASI DUGU?

 -Zeintzuk diren ohitura osasungarriak.

-Gure adineko umeak ere obesoak izan ahal direla.

-8 edalontzi ur egunero edan behar direla.

-Ez dela egokia jatea telebistaren aurrean.

-Plateraren erdia barazkiak izan behar direla.

-Fruta egunero jan behar dela.

-Edari batzuk azukre gehiegi dutela.

-Dieta osasungarria zer den ikasi dugu.

-Obesitatea nola prebenitu eta nola zaindu gure gorputza.

-Ez direla litxarreri asko edo azukre asko daukaten janariak eta edariak hartu behar.

NOLA IKASI DUGU?

-Taldeka ikasi dugu.

-Ordenagailutik eta liburutik bilatzen informazioa. 

-Obesitateari buruzko testu bat irakurri dugu.

-"Glu eta glu" abestuz, zer den glutena eta zeliakoa izatea, ikasi dugu.

- Arreta ipintzen eta gure artean eztabaidatzen.

-Hormairudia eta kartelak egiten.

-Aurkezpenak egiten.

ZER IZAN DA ERREZENA, ZAILENA, BERRIENA...?

 -Errezena: Abestia ikastea, eta marrazkiak egitea.

-Zailena: Denon artean adostea, aurkezpena prestatzea, gure zatia buruz ikastea eta besteen aurrean egitea.

-Berriena: Guk jakin dugunetik abiatuta, ikasi dugun guztia.

 ZERTARAKO BALIO IZAN DU?

 Konturatzeko oso garrantzitsua dela ondo jatea eta beste ohitura osasungarriak zein diren.

ZEIN BESTE EGOERATAN ERABILIKO DUZU?

Gure etxekoei ondo egoten laguntzeko eta obesitatea prebenitzeko.

 

OSASUNTSU    BIZI!!!!!!

Argazkiekin bideo bat egin da zuek hobeto ikusteko.

2018(e)ko maiatzaren 18(a), ostirala

BIZKAIKO FORU ALDUNDIA

Egilea: Amaya ordua: 14:51 0 iruzkinak
Gaur, Bizkaiko Foru Aldundiko jauregia bisitatu dugu.
 Barakaldotik Bilbora metroz joan gara eta han Jaione izeneko neskak jauregia barrutik erakutsi digu eta azalpenak eman dizkigu.

 Lehenengo, goiko solairura igo gara eta beirate eder bat ikusi dugu Bizkaiko emakumearena eta aintzinako lanbideena.

Jauregia oso handia da, eta 1900. urtean eraiki zuten, uztailaren 31n, San Inazio egunean.

 Dena luxuzkoa da: Zutabeak eta zorua marmolezkoak, Napoleonek oparitutako  oso pitxer garestiak , freskoak eta koadroak, jaietako aretoa, Lehenengo Euskal gobernua bildu zen aretoa, plenoen aretoa...

Galderak ere egin dizkigu, adibidez, zer egiten duen Diputazioak eta laburbilduz Bizkaia konpondu eta zaindu egiten duela esan digu.
Zorte handia izan dugu, bisitan zehar, Bizkaiko diputatu nagusia agertu delako, Unai Rementeria, eta berarekin argazki bat atera dugu.
Bukatzeko, beheko solairuan, aintzinako koadro bat ikusi dugu eta bertan plaka bat zegoen, noiz eraiki zen, euskaraz idatzita.
Oso interesgarria iruditu zaigu eta Jaionek opari moduan bisera bat eman digu.

PRIMERAN PASATU DUGU!!!!!











2018(e)ko apirilaren 27(a), ostirala

BIDE HEZKUNTZA

Egilea: Amaya ordua: 16:28 0 iruzkinak
Apirilaren 18an, 4. mailakoak bide hezkuntzako pistara joan ginen.
Heldu ginenean, bi taldetan banatuta, seinaleen domino  batera jolastu genuen eta Miriam monitoreak egiten zituen galderak ondo erantzuten bagenituen trafiko-seinale bat kokatzen genuen.

 
 Gero, pistara atera ginen eta batzuk bizikletaz ibiltzen ziren bitartean, beste batzuk oinezkoen papera zuten. 


Oinezkoek ondo zirkulatzeaz gain, isunak jartzen zizkieten STOPa saltatzen zutenei, SEMAFOROAK errespetatzen ez bazuten, BIRIBILGUNEA edo errotondatik txarto zirkulatzen bazuten, ABIADURA gehiegi eramaten bazuten eta abar.





 Semaforoak ez zeuden lekuetan, Iñaki udalzainak pasatzeko edo ez agintzen zuen.

  ONDO ZIRKULATZEN ikasteaz gain,dibertitu gara.

PRIMERAN PASATU GENUEN!!!!!!!

2018(e)ko otsailaren 15(a), osteguna

INAUTERIAK 2018

Egilea: Amaya ordua: 15:38 0 iruzkinak


Inauteriak otsailaren 9an ospatu ziren eskolan. Gu dominoz mozorratu ginen.
Lehenengoz , argazki batzuk atera genituen.
Ondoren, patiora dantzatzera joan ginen, eskolako ume guztiak eta andereñoak ere bai.
Dantza eta gero, txokolatada bizkotxoekin jan genuen.
Primeran pasatu genuen.
Hemen dituzue 4. mailako argazki batzuk.








2018(e)ko urtarrilaren 11(a), osteguna

BIRIKEN EREDU BAT

Egilea: Amaya ordua: 15:43 0 iruzkinak


4.Bkoek BIRIKEN EREDU SINPLIFIKATU BAT egin dugu  eta oso ongi atera zaigu guztioi.
Horretarako materiala etxetik ekarri  eta bikoteka edo hirunaka egin dugu.
Egiteko 2 saio erabili ditugu. 
Eredu hau egiten arnas aparatua nola funtzionatzen duen ikasi dugu eta arnasa nola hartzen eta botatzen dugun ikusi dugu.
















2017(e)ko abenduaren 22(a), ostirala

GORA GURE ENERGIA!

Egilea: Amaya ordua: 15:19 0 iruzkinak


Lehenengo hiruhilabetean, 4. mailakoak "Gora gure energia" tailerra izan dugu EDPren eskutik. Energia ezberdinak aztertu ditugu, baita energia-iturriak ere.





Horrez gain, eskolara heltzen den Iberdrolako faktura aztertu dugu eta konturatu gara oso altua izan dela. Beraz, gure kontsumoa arduratsua izan behar da.












 Hainbat ekintza egin ondoren, Gure planeta zaintzeko aholku batzuk prestatu ditugu eta arbela digitalaren bidez azaldu ditugu, beste bi geletan, Aurkezpenen diapositibak DRIVEN ditugu.
Adibidez, aluminiozko paperaren kontsumoa murrizteko, plastikozko botilena, birziklapenarena ... Kutsadurarik ez dugunez nahi, natura zaintzeko konpromisoa hartu dugu eta zuei ere konpromiso hori hartzen gonbidatzen zaituztegu.












 

Rontegi 4 Copyright © 2010 Designed by Ipietoon Blogger Template Sponsored by Emocutez